किस्सा आयुषचा....

दिवाळी पार पडली ....अजून 10 दिवस सुट्टी शिल्लक राहिली ...
बिल्डिंग मधील सगळी मुलं सुट्यांना गेली. मग काय माझ्या आयुष साहेबांना bore होणं सुरू झालं....
आयुष सारखं इकडून तिकडून यायचं आणि
 "आता मी काय करू ?" विचारायचं
मला खूप बोअर होतयं ,मला बोअर होतयं...
तसा माझा सगळा वेळ त्यालाच अर्पण असतो तरी देखील
ती मुलांसोबत क्रिकेट खेळायची  सवय लागली तेव्हापासून हे बोअर होतयं प्रकरण सुरू झालं....
मग म्हणलं आता तुला ह्या आजीकडे नाहीतर त्या आजी कडे सोडते तुला सुट्टीला....
हा मग .....सासरी ठाण्याला सुट्टीला जायचं ठरलं...
आजी अब्बाचा लाडका आणि म्हणलं ते अब्बा आणून देतात ...आणि विशेष म्हणजे घराच्या जवळच दोन गार्डन आणि शिवाय खेळायला दादा देखील(दिरांचा मुलगा)
मग सोडून आले 8 दिवसांसाठी...

तर किस्सा असा की....
दुसरे दिवशी मला फोन आला
Mammy काय करते ग....
म्हणलं काही नाही  घरातली काम आवरते आहे ....
पुन्हा  तोच प्रश्न mammy काय करतेस...
अरे ...काही नाही करत.... तू बोल ना आयुष
बाबा कुठेय.....??
मी नाही तर सुट्टी घेतलीय काय त्याने??कुठे फिरायला गेला आहे का तुम्ही??
( मी इकडे डोक्यावर हात मारून घेतला ....पोरगं काय बोलेल काही सांगता येत नाही😂)
म्हणलं नाही रे, बाबा ऑफिस ला गेलेत
.पुन्हा  तोच प्रश्न mammy काय करतेस...
मग म्हणलं बोल रे पिल्लू काय म्हणतोयस....
मग हळूच म्हणतो....
तुला माझी अजिबात आठवण येत नाही ना??
खरं खर सांग हं....
मी तुला खूप त्रास देतो ना  ..... मग कशी येईल तुला आठवण माझी...??
तू हवं ते एकटीच tv वर  तुझे प्रोग्रॅम पाहत असशील ना....आणि रिमोट पण कुणी लपवून नाही ठेवणार ना...

(बहुतेक स्वतःचे सगळे कारनामे लक्षात आले असतील)
(मला तर खूप हसायला  येत होतं की हा एव्हढा एव्हढासा पण किती विचार करतोय)

मी:  अरे नाही रे बाळा.....येतंय ना खूप खूपआठवण येतीय तुझी....
आठवण येणार नाही असे कसे होईल रे बाळा ,
तू माझं पिल्लू ना...
माझा गोडूला ना ....माझा दादू ना तू ....मी फक्त तुझीच आहे ना....😘
आणि हो ना...….
आता tv चा remote माझा झालाय 😘 तू आलास की तो पुन्हा तुझाच हं...

मी पिल्लू ,गोडूला,दादू ,आणि मी तुझीच आहे म्हणल्यावर सगळ्या त्याच्या बहुतेक शंका दूर झाल्या असाव्यात आणि लगेच फोन ठेवू का म्हणाला आणि फोन ठेवता ठेवता
मम्मी miss you म्हणाला (हाच तो त्याच्या गोड आवाजातला माझ्यासाठी  सुखाचा क्षण )
त्याच बालपण एन्जॉय करत असताना त्याची निरागसता दिवसेंदिवस मनाला जास्तच भावते....आणि त्याचा माझ्याबद्दलचा पझेसिव्हपणा माझ्या मनावर लख्ख  कोरून जातो.
@सोनाली कुलकर्णी
#किस्साआयुषचा #लहानपणादेगदेवा

0 comments: