जुनाच तो पाऊस....

जुनाच तो पाऊस.....

पाऊस आणि आठवणीच किती जवळचं समीकरण.....
दरवर्षी पाऊस नव्याने पडतो....पण तो दरवेळेला भूतकाळात घेऊन जातो.....मग कधी लहापणाचा पाऊस आठवतो ,मित्र मैत्रिणीसोबत ,भाऊ बहिणीसोबत पावसात खेळलेले क्षण, आईबाबांचा पावसात भिजू नको म्हणून खाल्लेला ओरडा असो वा  अंगणात पावसाच्या पाण्यात कागदाच्या होड्या करून सोडलेल्या आठवणी असो.तर कधी दप्तर भिजत शाळेत गेलेला पाऊस आठवतो....तर कधी कॉलेज मधला पावसामुळे कॉलेजमध्येच अडकलेलो असताना मित्र मैत्रिणीसोबत कॅन्टीन मध्ये वडापाव ,भजी,चहा चा आस्वाद घेत घालवलेला वेळ आठवतो.तर कधी प्रेमात पडल्यावर ,प्रियकरासोबत /प्रियसीसोबत चिंब भिजलेले क्षण,नकळत झालेले स्पर्श आठवून मनात गुदगुल्या होतात,तर कुणाला लग्नानंतर जोडीदारासोबत सैर केलेला,भिजलेला पहिला पाऊस आठवतो...तर ऑफिस मध्ये काम करत खिडकीतुन बाहेर पडणारा पाऊस आणि त्यासोबतच्या आठवणी आठवतात.कधी पावसात झालेली फजिती आठवते तर कधी अतिवृष्टी मुळे झालेले नुकसान ,दुःख आठवते.कधी हव्या वाटणाऱ्या ,कधी नको वाटणाऱ्या आठवणी ह्या पावसासोबत दरवर्षी येतच असतात.पावसाच्या आठवणींना कुठे बंधन असत म्हणा....पावसाच्या आठवणींची ही शृंखला दरवर्षी वाढणारच आहे.

जशी कातरवेळ आठवणींना घेऊन येते अन भावनिक बनवते तसाच हा पाऊसही आपल्याला भावनिक करून जातो, जुन्या आठवणींना उजाळा देतो ,रोमँटिक बनवतो ,प्रेमात पाडतो,  तर कधी आयुष्य जगायलाही शिकवतो....तर कधी कधी आयुष्यभराचा धडाही शिकवून जातो तर कधी स्वतःला सावरायला शिकवतो

प्रत्येकाला पाऊस हा हवा हवासा वाटतो...तर कधी अति झाला तरी नकोसाही वाटतो, तरीदेखील आपण ह्या पावसाची दर वर्षी आतुरतेने वाट ही पाहतोच....कारण सगळयांचाच पाऊस एकच असला तरी प्रत्येकाच्या आठवणी अगदी वेगवेगळ्या...त्यातल्या काही आठवणी ह्या हव्या हव्याच्या वाटणाऱ्या असतातच.

आणि खरं सांगायचं तर.....ग्रीष्मातल्या कडक उष्णतेला  शमवून आपल्याला गारवा देण्याची, ताकद तर फक्त त्या पावसातच आहे.... म्ह्णूनच तो जुना वाटणारा पाऊस नव्याने बरसला की ....
पाऊस मनाला एक आत्मीय समाधान देतो,आठवणींच्या हिंदोळ्यावर प्रेमाचे ,आपुलकीचे प्रतिबिंब उमटवून जातो.
आणि असलीच पावसाला कधी दुःखाची लकेर तरी तो अडचणीत आयुष्य जगायला शिकवतो.

पावसावरच एक खूप जास्त आवडलेलं वाक्य म्हणजे
Without rain, nothing grows. Learn to embrace the storms of your life.🌦️☔
@सोनाली कुलकर्णी

#बेंगलोरचा_पाऊस☔ #spandankavitaa

0 comments: